Skeeal Y Chengey

She nane jeh ny shey chengaghyn Cheltiagh y Ghaelg, marish Yernish, Y Ghaelg Albinagh, Bretnish, Britaanish as Cornish. Ta ny chengaghyn shoh scarrit ayns daa vanglane, enmyssit Gaelagh (Y Ghaelg, Y Ghaelg Albinagh as Yernish) as Brytaanagh (Bretnish, Britaanish as Cornish).

Gys y nuyoo cheead jeig, ga dy row eh goll er ymmydey ayns cooishyn dellal as reireydys, va Baarle ny chengey joarree da'n chooid smoo dy Vanninee. Ny yeih, kyndagh rish eginyn sheshoil as tarmaynagh, hie yn chengey sheese y liargagh feer tappee sy nuyoo cheead jeig.

Ec jerrey yn eedoo cheead ta'n earroo dy leih as sym oc er y chengey er vooadaghey dy mooar: sy choontey-sleih s'jerree (2001) dod 2.2% jeh cummaltee yn Ellan loayrt Gaelg, as va 47% jeu shoh ny saa na 20. Sy towse-barel Mori va jeant syn Ellan ayns 2002, dooyrt 19% dy leih dy row ad geearree gynsaghey yn chengey as va 5% elley ayn va lane jeean ish y ynsaghey.

Ta eiraght chultooroil vooar yn ellan ayn son dy chooilley pheiagh ta cummal ayns Mannin jiu as ta sym aynjee gaase dy mooar. S'treisht lhien dy jean yn Ellan ain ymmyd jeh speeideilys y chengey aynshoh dy niartaghey yn ayrn ta shin goaill ayns eabbyn feie ny cruinney dy choadey mynchengaghyn.