Y Chooish

Shiaghtin Ghaelgagh

She Yn Chiaghtin Ghaelgagh (Cooish) nane jeh ny taghyrtyn smoo scanshoil ta cur y Ghaelg roish y theay. T'eh cummit dagh Mee Houney as ta argid co-churrit da ec Undinys Eiraght Vannin, Coonceil ny h-Ellynyn as Yn Çheshaght Ghailckagh. Ta'n chiaghtin ny chaa yindyssagh da dy chooilley pheiagh y Ghaelg oc y ymmydey. Ta taghyrtyn reaghit ta cooie da toshiaghteyr chammah's loayreyder flaaoil. Marish Yn Çheshaght Ghailckagh ta daa leaght er ny chummal, Leaght Ned Maddrell as Leaght y Ghaaue, ta soilshaghey lhiasaghyn noa sy chengey.

Ta'n chiaghtin cheet dys e mullagh lesh yn aundyr Kione y Sker. Ta Turneyryn Cain sponseyryn yn aundyr as t'eh currit da persoon ny sheshaght t'er chur cooney da'n Ghaelg myr chengey vio. Cha beagh feailley erbee feeu veg gyn paart dy chiaull as ta'n feailley er ve feer aighoil dy gheddyn cooney voish shiartanse dy chiaulleyderyn feer schleioil voish ymmodee ardjyn feie'n theihll Celtiagh, goaill stiagh yn Ellan hene son shickyrys.