Y Vunscoill Ghaelgagh as Possanyn Cloie Vooinjer Veggey
Ec yn Vunscoill Ghaelgagh ta ny paitchyn gynsaghey dy chooilley chooish trooid y Ghaelg. Ayns Mean Fouyir 2007 bee queig paitchyn jeig as daeed gynsaghey dy slane trooid y Ghaelg. Ta ny paitchyn cheet dy ve flaaoil sy Ghaelg dy tappee chammah's gheddyn vondeishyn ynsaght daa-hengagh ayns çhymmyltaght-ynsee ta lane dy chultoor as kiaull Manninagh.
Ta'n Vunscoill stiurit son y Rheynn Ynsee ec Mooinjer Veggey, yn çheshaght-ynsee Ghaelgagh. V'eh currit er bun ayns 1996 as ta 6 possanyn-cloie echey syn Ellan. T'ad shoh cur y Ghaelg er enney da paitchyn ro-scoill ta gynsaghey yn chengey trooid arraneyn as draneyn. Ta ymmodee paitchyn ec ny possan-cloie goll ny yei dys y Vunscoill.
Ta'n chengey goll er ynsaghey neesht ayns scoillyn yn Ellan. T'eh ayn myr reih da dy chooilley phaitchey t'ayns ny bunscoillyn as foddee studeyryn scrutaghyn y ghoaill sy chengey ec y leval cheddin as GCSE as Leval-A.
Son y Vunscoill Ghaelgagh:
http://www.bunscoill.iofm.net/
Son y Laare Studeyrys Manninagh:
http://dbweb.liv.ac.uk/manninagh/
Son Possanyn-cloie Vooinjer Veggey:
http://www.mooinjerveggey.org.im
Shoh ynnyd-eggey noa son sleih ta geearrree gynsaghey Gaelg:
http://www.learnmanx.com
